top of page

Էս ժամին

11 нояб.
1 мин. чтения

Գինին բացելիս

Շշի պռոշը փշրվեց.

Չգիտեմ նրանի՞ց էր,

Որ շիշը սխալմամբ դրել էիր

Սառցարանում

Թե՞ ես էի խմած 

Ու ավել ուժ 

գործադրեցի…

Ծիծաղեցինք


Ասեցի՝ գնամ նորը բերեմ: 

Ասեց՝ գի՞ժ ես, էս ժամին 

Հո չե՞ս դուրս գա:

Պահարանից գտավ

Սուրճի ֆիլտր

Վրայից միհատ էլ թեյի 

Հարմարացրեց շշի կոկորդին

Ես շիշն էի բռնել

Ինքը՝ ֆիլտրը

Չորս ձեռքով

Երկու բաժակները

Լցրեցինք…

Ծիծաղեցինք


Գինին կար՝ կիսած բաժակներում:

Գինու շիշն էլ էր կիսված՝ անհավասար կտորների 

Բայց, թե ապակի կար գինու մեջ

Մեզ հավասար էր բաժին հասնելու: 

Խմեցինք, 

Աչքերը փակ համբուրվեցինք.

Համբուրվելիս

Բաժակները շուռ տվեցինք…

Ծիծաղեցինք


Սերը հերիք էր սխալվելու համար

Ու մենք սխալվում էինք առանց սիրո…


Ու առանց գինու: 

Комментарии


  • Facebook

©2019 by vgermanyan. 

bottom of page